O adestrador do primeiro equipo, Eduardo Berizzo, convocou a 18 xogadores para o partido de Copa do Rei ante a UD Almería (mércores, 21:00h, Juegos Mediterráneos), correspondente á ida dos 1/16 de final, entre eles os xogadores do filial Borja Fernández, Diego Alende e Pape Cheikh. Fontàs e Radoja son baixa por lesión. Non entran na lista Nolito, Sergi Gómez e Augusto.
A convocatoria completa fórmana Sergio, Rubén, Hugo Mallo, Bongonda, Pablo Hernández, Iago Aspas, Guidetti, Orellana, Drazic, Madinda, Wass, Jonny, Planas, Cabral, Señé, Borja Fernández, Diego Alende e Pape Cheikh.
