O Real Club Celta reafirma o seu interese en facerse cun estadio que nos seus inicios non foi de propiedade municipal e esgotará todas as vías posibles para que esta proposta, cuxo único fin é garantirlle ao club un futuro estable sen prexuízo algún para a cidade, chegue a bo porto.
Ademais, o Real Club Celta quere expresar a súa absoluta incredulidade pola apropiación que se fixo dunha idea, un proxecto e un traballo conxunto do club coa Universidade de Vigo. O RC Celta considera totalmente injustificado que alguén se arrogue a autoría dunha idea propia e dun proxecto que desenvolveron cun gran esforzo conxunto a Universidade de Vigo e o Real Club Celta e que foi rexeitado de xeito sistemático desde fai dous anos.
