Os gañadores do Concurso de Postais de Nadal Fundación Celta – El Corte Inglés recibiron hoxe os seus premios no Museo do Real Club Celta de mans de Serafín Alonso Director de la Fundación Celta e de Jose Manuel Blanco director de comunicación de El Corte Inglés. Os premios constan de trofeo e cheque regalo de El Corte Inglés e un lote de regalos da Fundación Celta para o gañador de cada categoría. Houbo ademais premio para os colexios máis participativos, entre os que destacan «Las Acacias» o colexio «Vista Alegre» e «Dr. Fleming».
Na categoría «A», de 5 a 7 anos, a gañadora foi Noa Buceta Blanco, na categoría «B», de 8 a 11 anos, Martín Barros Vidal e na categoría «C», de 12 a 14 anos, o premio obtívoo Eva Fernández Prieto. Ademais o gañador absoluto deste ano, cuxa postal formará parte da felicitación do Nadal do Real Club Celta foi Álvaro Valverde Díaz, de 11 anos.
