O adestrador do primeiro equipo, Eduardo Berizzo, convocou a 18 xogadores para o partido de Liga ante o RCD Espanyol (sábado, 18:15h, Balaídos), correspondente á xornada 15 de Primeira División, entre eles os xogadores do filial Borja Fernández, Diego Alende e Pape Cheikh. Sergi Gómez, Fontàs, Radoja e Madinda son baixa por lesión e Jonny por sanción.
A convocatoria completa fórmana Sergio, Rubén, Hugo Mallo, Bongonda, Pablo Hernández, Iago Aspas, Nolito, Guidetti, Orellana, Drazic, Wass, Planas, Cabral, Señé, Augusto, Borja Fernández, Diego Alende e Pape Cheikh.
