Eduardo Berizzo convocou a 23 xogadores para a primeira xornada da Fase de Grupos da UEFA Europa League que o Celta desputa este xoves ás 21:05 ante o Standard de Liège no estadio Maurice Dufrasne de Liexa, entre eles aos canteiráns Iván Villar e Pape Cheikh.
A lista completa fórmana: Sergio, Rubén Blanco, Iván Villar, Hugo Mallo, Fontàs, Costas, Marcelo Díaz, Radoja, Bongonda, Pablo Hernández, Guidetti, Iago Aspas, Sisto, Lemos, Naranjo, Wass, Jonny, Sergi Gómez, Cabral, Señé, Roncaglia, Rossi e Pape Cheikh.
Beauvue, Planas e Orellana son baixas por lesión. Aínda que non conta coa alta médica, Marcelo Díaz viaxa co equipo ao adestrar hoxe co grupo e ter boa evolución.
