Hoxe presentouse no Concello de Vigo unha campaña que pasará formar parte dun programa municipal de recollida e reciclaxe de bicicletas que posteriormente serán doadas principalmente a nenos da cidade que proveñan de familias con necesidades económicas.
Á presentación acudiu o Alcalde de Vigo Abel Caballero acompañado de membros da asociación A golpe de pedal e unha representación das tendas de bicicletas que colaboran na súa reciclaxe e reparación. Neste programa colabora, ademais da Fundación Celta, Novagalicia Banco. Por parte da Fundación estivo presente o director xeral Serafín Alonso.
A todos os interesados en participar, indicaráselles o punto de recollida e daráselles un documento acreditativo de ter participado no programa.
