Xa están á venda as entradas para o partido de ida da primeira rolda de Play Off de ascenso a Segunda División que enfrontará ao Celta Fortuna e ao Málaga CF no estadio Abanca Balaídos. Se queres vir animar ao filial celeste o vindeiro sábado 1 de xuño ás 18:30 horas podes adquirir AQUÍ a túa entrada vía en liña ou de forma presencial nos despachos de billetes do estadio desde unha hora antes do inicio do partido (17:30 horas). O custo das mesmas será de 20 euros.
Os abonados poderán acceder co seu carné e aqueles que queiran adquirir unha entrada adicional para un acompañante, poderán adquirila a través da web do club cun 50% de desconto. Para beneficiarse desta promoción, os abonados tan só terán que acceder á venda en liña de entradas, ir ao partido da Celta Fortuna, seleccionar unha localidade e introducir a súa IDE e PIN na pestana “Aplica as túas promocións e descontos”.
As zonas dispoñibles para este partido serán a zona de Tribuna Alta e Baixa e Marcador Baixo. Os afeccionados visitantes ocuparán a Bancada de Gol, polo que os abonados non poderán acceder a esta localización.
Xuntos ata a vitoria final!
