O Celta Fortuna avanza no camiño de preparación do curso 24/25 de Primera Federación. Segundo amigable da tempada que termina con empate no marcador esta vez ante o Coruxo FC.
Os de Fredi Álvarez enfrontáronse ao conxunto de David de Dios nun encontro baixo a intensa néboa da Cidade Deportiva Afouteza. Un partido sen demasiadas oportunidades para ambos os equipos pero que deixou boas sensacións para o conxunto celeste. Na segunda metade, cabe destacar, as actuacións dos xuvenís Miguel Conde que tentaba a sorte cunha chilena dentro da área e un lategazo de Busto que se estrelaba no traveseiro.
A próxima cita no calendario de pretemporada do Celta Fortuna recalará en Portonovo, o sábado 3 de agosto, onde xogarán o seu terceiro amigable ante o CD Lugo, ás 19:30 no estadio de Baltar.
FICHA TÉCNICA:
0 – Celta Fortuna: Wauthier, Pablo Meixús, Moha, Garriel, Ju, Burcio, Manu Paz, Ianis, Barreiros, Antañón e Fernando M.
0 – Coruxo FC: Esteban, Pereiro, Ibáñez, Serrano, Penela, Guido, Álex Rey, Insua, Fernando, Naveira e Roberto.
RESUMEN DA PRETEMPORADA 24/25:
Celta Fortuna 2 – 2 Bergantiños CF (27 de xullo, 19:00h, Burgáns)
- Celta Fortuna 0 – 0 Coruxo FC (31 de xullo, 11.30h, Cidade Deportiva Afouteza)
- Celta Fortuna – CD Lugo (3 de agosto, 19:30h, Baltar)
- Celta Fortuna – RC Celta (7 de agosto, 11:30h, Cidade Deportiva Afouteza)
- Celta Fortuna – RC Ferrol (10 de agosto, 19:00h, Municipal Jesús García Calvo)
- Arosa SC – Celta Fortuna (17 de agosto, 20:00h, A Lomba)
