Este domingo, nos prolegómenos do partido ante o Girona FC, Abanca Balaídos renderá homenaxe a Iago Aspas tras alcanzar os 500 partidos oficiais co RC Celta.
Un encontro que comezará cun acto moi especial para o xogador que ao longo de máis de 36 mil minutos defendeu con afouteza e corazón este escudo. Por iso, despregarase un gran tifo na bancada que renderá tributo a un futbolista único que, no encontro ante o Atlético de Madrid, converteuse no segundo xogador na historia do RC Celta en alcanzar o medio milleiro de partidos.
Un emotivo xesto co que o RC Celta quere mostrar o seu agarimo e aprecio cara a un xogador emblema que tanto nos fixo gozar ao longo de 500 encontros.
Non te perdas este gran acto en homenaxe a un dous nosos, no RC Celta – Girona FC deste domingo ás 14:00 en Abanca Balaídos, e compra a túa entrada AQUÍ.
