O RC Celta deixouse os tres puntos ante o conxunto madrileño despois de dominar un encontro que se lle terminaba escapando nos últimos compases da segunda parte.
Os de Claudio Giráldez comezaron sendo donos do balón e poñendo contra as cordas ao conxunto de Borja Jiménez. Sería Ilaix Moriba o que tería a primeira oportunidade cun lanzamento desde a frontal que logrou desviar Dimitrovic. Continuaba atacando ao Celta, con Óscar Mingueza como encargado de orquestrar a ofensiva celeste pero sen obter os resultados desexados. Finalmente, ambos os conxuntos íanse ao descanso con empate no marcador e sen demostrar un xogo demasiado vistoso.
Nos primeiros compases da segunda parte, os de Claudio Giráldez saíron cunha marcha máis de intensidade que pronto se viu reducida tras encaixar o primeiro tanto do conxunto pepinero tras un erro na saída de balón. Un golpe inesperado que desbaratou a concentración dos celestes que se viron sorprendidos por un Leganés que aproveitaba o desconcerto para avantaxarse no marcador.
FICHA TÉCNICA:
3 – CD Leganés: Dimitrovic; Alti, Nastasic, Jorge Sáenz (Sergio González, 46′), Franquesa; Cisse (Brasanac, 46′), Tapia, Neyou; Raba (Juan Cruz, 69′), Haller (Miguel, 54′) e Diego (Munir, 65′).
0 – RC Celta: Guaita; Manquillo (Javi Rodríguez 80′), Starfelt, Marcos Alonso; Óscar Mingueza, Ilaix Moriba (Damián, 62′), Hugo Sotelo (Alfon, 80′), Hugo Álvarez; Iago Aspas, Borja Iglesias (Swedberg, 62′) e Bamba (Tasos Douvikas, 62′).
Goles: 1-0 min. 59: Diego. 2-0 min. 78: Brasanac. 3-0 min. 82: Sergio González.
Árbitro: Melero López (Comité andaluz). Por parte do RC Celta, amoestou con tarxeta amarela a Carl Starfelt e Óscar Mingueza. Mentres que do CD Leganés viron cartón amarelo Renato Tapia e Neyou.
Incidencias: Encontro correspondente á Xornada 11 de LALIGA EA SPORTS disputado no estadio de Butarque.
