Xa están á venda as entradas para o partido de oitavos de final da Copa do Rey que enfrontará ao Real Madrid e ao RC Celta no Estadio Santiago Bernabéu o vindeiro xoves, 16 de xaneiro de 2025, ás 21:30h.
As entradas para esta rolda da competición poderanse adquirir AQUÍ, por un prezo de 40 euros, desde hoxe ata o luns, 13 de xaneiro, ás 10:00h. Entregaranse de forma presencial no despacho de billetes de Abanca Balaídos a partir do luns ás 11:00h. e ata o mércores ás 14:00h. Os celtistas que non retiren a entrada no prazo establecido poderán facelo en Madrid, a información para a súa recollida alí comunicarase vía mail o mércores día 15.
Non te quedes sen a túa, xuntos loitaremos por unha praza nos cuartos de final da Copa de Rey!
