Creceu entre as paredes de A Madroa, soñando con vestir algún día a camiseta do primeiro equipo. Hoxe, ese soño continúa tomando forma. Carlos Domínguez renova co club da súa vida ata 2028 e faino coa ilusión intacta e a mirada posta en todo o que está por vir.
Na súa primeira entrevista en exclusiva para Celta Media, tras oficializarse a súa continuidade como celeste, o mozo canteirán confesa os obxectivos que se marca nesta nova etapa, do mesmo xeito que, o orgullo que supón viaxar por Europa defendendo o escudo celeste, “queremos ensinarlle ao mundo o que é o Celta“.
Coa humildade de quen sabe de onde vén e a ambición de quen ten claro cara a onde quere chegar, Carlos seguirá crecendo en casa, como o fixo desde neno, xunto aos seus.
Non te perdas as súas declaracións completas!
