Na súa primeira entrevista desde o seu regreso definitivo ao Celta, Borja Iglesias compartiu con Celta Media as súas impresións sobre este esperado retorno a Vigo. O dianteiro santiagués falou sobre os meses que pasou fóra do club e deixou claro que “na miña cabeza non había outra opción que vir ao Celta. Estou moi feliz de estar aquí”. Ademais, fixo balance da tempada pasada, valorando non só os números, senón como “volver aquí fíxome volver sentirme importante, tanto dentro do campo como fose”.
Respecto ao novo curso, Borja recoñeceu que chega “con moita ilusión, sabendo que será un ano duro, pero imos soñar porque creo que funcionamos ben así. Así que imos a por iso”.
Por último, o canteirán non quixo deixar pasar a oportunidade de agradecerlle ao celtismo todo o apoio recibido. “Grazas por este agarimo que sentín desde que acabou a tempada pasada. Estou seguro de que este ano imos gozar moito e, aínda que suframos, convosco seguro que será máis fácil e moi bonito de vivir”.
Se queres descubrir todo o que dixo Borja tras o seu regreso… Dálle ao play!
