O Celta Xuvenil puxo fin ao seu percorrido na Copa do Rei tras caer en semifinais ante o Real Betis Balompié por 3-2 no Anxo Carro. O equipo dirixido por Alberto Suárez quedou a un paso da final nun partido competido, no que os celestes amosaron carácter e ambición ata o último momento.
Máis aló do resultado, a participación nesta edición da Copa deixa unha gran sensación dentro do club. Alcanzar as semifinais confirma o talento dunha xeración que soubo competir ao máis alto nivel e que logrou unha participación moi destacada no torneo.
O club quere trasladar unha mensaxe de orgullo cara aos xogadores e ao corpo técnico por todo o conseguido, así como un agradecemento ao celtismo polo apoio constante durante toda a competición. O Xuvenil despídese ás portas da final, pero faino coa satisfacción dun traballo ben feito que reforza o presente e o futuro da canteira celeste.
