O Celta xa coñece o camiño que percorrerá nun novo e ilusionante curso de LaLiga EA Sport 2026/27, que arrincará a fin de semana do 15 de agosto en Abanca Balaídos, onde se medirá ao CA Osasuna. Mentres, o conxunto de Claudio Giráldez poñerá o broche final á competición ante a UD Levante no Estadio Ciutat de València ao redor do 23 de maio.
Ademais, esta campaña volveremos vivir un dos encontros máis esperados pola afección celeste, O Noso Derbi ante o Real Club Deportivo da Coruña. O primeiro dos dous enfrontamentos terá lugar, a primeira fin de semana do ano en Abanca Balaídos, mentres que o duelo en Riazor será ao redor do 18 de abril do 2027.
Non chos perdas e repasa o calendario completo con todos os partidos da seguinte tempada, AQUÍ.
