O Celta e o FC Barcelona chegaron a un acordo para o traspaso de Alexis Olmedo, que se incorporará ao vestiario do filial para reforzar a súa liña defensiva. O central catalán, celeste ata 2030, aterra en Vigo tras completar toda a súa formación na Masia e continuar o seu crecemento no Barça Atlètic.
Natural de Manresa e internacional coas categorías inferiores da Selección, Alexis destaca pola súa solvencia defensiva, o dominio do xogo aéreo e a súa saída de balón.
Esta fichaxe permite ao Celta Fortuna incorporar ao seu cadro de xogadores un futbolista con gran proxección e personalidade, que encaixa á perfección no proxecto que Fredi Álvarez está a configurar para a súa estrea en poucos días na categoría de prata.
O club dálle a benvida ao xogador e deséxalle moitos éxitos nesta nova etapa.
Benvido, Alexis!
