O Celta caeu por 0-2 ante o Athletic Club en Abanca Balaídos, nun encontro que se lle complicou por dous tantos encaixados en apenas dous minutos.
O conxunto de Claudio Giráldez saíu decidido a levar o peso do xogo e avisou axiña, aínda que foi o Athletic o que atopou premio en dúas accións consecutivas, cos goles de Álex Berenguer e Robert Navarro entre os minutos 20 e 22.
Claudio Giráldez moveu o banco no descanso con catro cambios e o Celta tomou as rendas do partido. Os celestes instaláronse en campo contrario e xeraron chegadas con continuidade, pero o balón non quixo entrar e o conxunto vasco xestionou ben a vantaxe ata o final.
Agora, o foco trasládase de inmediato á seguinte cita, que chegará entre semana e a domicilio. O vindeiro xoves 3 de setembro, ás 21:00 h, o Celta visitará a Real Sociedad, no adianto da xornada 6, coa firme intención de estrear o seu casilleiro de vitorias.
FICHA TÉCNICA:
0 – Celta: Andrei Radu; Javi Rodríguez (Javi Rueda, min. 46), Carl Starfelt, Abdoulaye Faye (Yoel Lago, min. 46); Álvaro Núñez, Aleix Febas, Ilaix Moriba (Miguel Román, min. 46), Sergio Carreira; Williot Swedberg (Hugo Álvarez, min. 57), Hugo González (Iago Aspas, min. 46) e Ferran Jutglà.
2 – Athletic Club: Unai Simón; Jesús Areso (Johaneko Louis Jean, min. 86), Aitor Paredes, Aymeric Laporte, Yuri Berchiche; Beñat Gerenabarrena, Íñigo Ruiz de Galarreta (Mikel Jauregizar, min. 65); Robert Navarro (Nico Williams, min. 74), Oihan Sancet (Peio Canales, min. 65), Álex Berenguer e Iñaki Williams (Gorka Guruzeta, min. 65).
Goles: 0-1, min. 20: Álex Berenguer; 0-2, min. 22: Robert Navarro.
Árbitro: Mateo Busquets Ferrer (Comité balear). Amoestou a Yuri Berchiche (min. 48), Robert Navarro (min. 61) e Beñat Gerenabarrena (min. 71) por parte do Athletic Club. Non houbo amoestados no Celta.
Incidencias: Encontro correspondente á xornada 3 de LaLiga EA Sports disputado en Abanca Balaídos ante 20.902 espectadores.
