Tras as consultas realizadas polo club sobre a situación federativa de Quique Ribes e Adrià Capdevila, xogadores do Celta Fortuna sancionados por acumulación de cartóns, a Real Federación Española de Fútbol (RFEF) confirmou que ningún dos dous poderá estar dispoñible para o encontro de Copa del Rey que os de Claudio Giráldez disputarán mañá ante o Salamanca CF UDS no Helmántico.
O organismo federativo aclarou que ambos deberán cumprir as súas respectivas sancións e non quedarán liberados delas ata que se dispute a correspondente xornada ligueira do filial, polo que non poderán incorporarse á convocatoria do primeiro equipo para esta primeira eliminatoria da competición.
