Rubén, Costas e Yelko formaron de inicio, mentras que Mina non pudo participar por unhas molestias
Non só foi a canteira con maior representación na última lista da selección española Sub-19. Os canteiráns célticos tamén foron maioría no once que o combinado nacional presentou onte ante a República Checa. Tres perlas da factoría celeste, que ben poderían ser catro se Santi Mina non sufrise unhas molestias nun nocello, xogaron de inicio na vitoria da Sub-19 por 4 a 1: Rubén Branco, David Costas e Yelko Pino.
O amigable, disputado na localidade valenciana de Burjassot, arrincou cunha demostración do potencial da canteira da Madroa. O mozo Yelko, que asinou un espléndido primeiro tempo, realizou unha gran xogada persoal tras a que serviu unha asistencia perfecta a José Gayá, que bateu ao porteiro checo cun tiro cruzado.
A Sub-19 mantivo un bo ritmo ofensivo tras o primeiro tanto, sabedora da seguridade que achegan atrás Rubén Blanco baixo paus e David Costas no eixo da defensa. Antes do descanso a selección nacional confirmou a súa superioridade co 2-0, obra de Sergi Samper.
Tras a continuación a República Checa mostrouse máis elevado, recortando diferenzas no minuto 74 por medio de Pajer, á saída dun córner. A pesar do gol checo, o cadro español mantivo o control do balón até o asubío final e ampliou a súa vantaxe con goles de Iván Calero e Unai López.
O Real Club Celta copou esta convocatoria da Sub-19 e o seu peso nas diferentes categorías da selección española vai en aumento, un feito que reforza o gran labor que os profesionais celestes están a realizar cada día na Madroa. A filosofía de canteira xa é aceno de identidade do club vigués, trazo inconfundible dun modelo deportivo polo que o Celta apostou con firme determinación.
FICHA TÉCNICA
4-ESPAÑA: Rubén (Cantero, 78’), Marín (Jaime, 76’), David Costas, Javi Ramírez, Duarte, Óscar Gil (Ramiro, 46’) Sergi Samper, Iván Calero, Yelko Pino (Unai López, 46’), Gayá (Guillermo, 59’) e Sandro (Carlos, 46’)
1-REPÚBLICA CHECA: Neuer (Godula, 46’), Mateju, Soucek, Pajer, Tregler (Necas, 73’), Buchvaldek (Zaviska, 52’), Cavos (Myslivecek, 64’), Hasek (Prosek, 46’), Matousek, Sodoma (Kurusta, 46’) e Masek (Kadlec, 73’)
Goles: José Gayá, 1-0 (3’); Sergi Samper, 2-0 (35’); Pajer, 2-1 (74’); Iván Calero, 3-1 (82’); Unai López, 4-1 (89’)
Árbitro: Ayza Gámez
Campo: Los Silos (Burjassot)
Observacións: partido celebrado en conmemoración do centenario do Burjassot C.F.
