Co triunfo en Pamplona, os celestes suman xa oito esta tempada
Coa súa gran vitoria no Sadar, o Real Club Celta bateu esta tempada, a do 90 aniversario, os mellores registros da súa historia como visitante en Primeira División. O club celeste suma oito triunfos, novo fito, tras derrotar a Betis, Sevilla, Almeria, Málaga, Granada, Villarreal, Levante e Osasuna. Espléndido récord na conmemoración dos séus 90 anos de vida.
Os célticos lograran sete vitorias fóra de casa nas tempadas 2002/2003, con triunfos ante Sevilla, Recreativo, Valencia, Valladolid, Mallorca, Atlético de Madrid e Osasuna, e clasificación final para a Champions League, e na campaña 2005/2006, con vitorias fronte a Real Madrid, Villarreal, Málaga, Rácing de Santander, Atlético de Madrid, Betis e Deportivo e clasificación para a UEFA.
