O conxunto feminino estivo arroupado por patrocinadores e representantes das administracións
A sede social do Real Club Celta, en Praza España, acolleu esta tarde a presentación do primeiro equipo do Celta Baloncesto. No acto estiveron presentes as xogadoras, corpo técnico e directiva do conxunto de basket, así como os patrocinadores oficiais do equipo feminino (Selmark, Citroën, Calidade Pascual, Do Rego & Novoa), representantes da Federación Galega, Concello de Vigo, Xunta de Galicia e Real Club Celta de Vigo.
O Real Club Celta deséxalle o maior dos éxitos ao Celta Baloncesto, que afronta con ilusión unha nova tempada na liga Feminina 2A.
