O centrocampista Pablo Hernández tamén forma parte da convocatoria chilena
Fabián Orellana foi titular con Chile no encontro amigable ante Irán que se xogou este xoves no estadio NV Arena de Sankt Pôlten (Austria). O centrocampista celeste disputou o primeiro tempo e foi substituído no descanso por Alexis Sánchez. Pola súa banda Pablo Hernández permaneceu no banco de suplentes. O partido finalizou cunha sorprendente vitoria de Irán por 0-2.
Chile xogará o próximo domingo 29 de marzo ante Brasil en Londres.
