O club tudense proclamouse campión de España de piragüismo por décima vez consecutiva
O Real Club Celta realizará un recoñecemento ao Kayak Tudense este sábado en Balaídos nos prolegómenos do partido ante o Rayo Vallecano. O club tudense proclamouse esta tempada campión de España por décima vez consecutiva, un fito na historia do piragüismo español, ademais de gañar o ano pasado a Copa do Rei e a Liga de Pista Olímpica Hernando Calleja.
Integrantes do Kayak Tudense participarán no acto e gozarán do encontro do primeiro equipo celeste ante o Rayo. O RC Celta desexa expresar a súa máxima admiración por estes deportistas galegos e enviarlles a súa máis sincera felicitación polos éxitos colleitados.
