Carlos Mouriño e Ángel Viñas asinaron esta mañá un convenio de dez anos de duración
O presidente do Real Club Celta, Carlos Mouriño, e o seu homólogo do Club Deportivo Areosa, Ángel Viñas, asinaron hoxe un convenio de colaboración histórico que une a dúas das grandes entidades deportivas de Vigo. O acordo, con dez anos de duración, referenda o camiño de entendemento e colaboración cos clubs da cidade emprendido polo Celta fai varias tempadas da man de AFAVI.
O C.D. Areosa, un dos referentes do fútbol base de Vigo, e o Real Club Celta unen os seus camiños por primeira vez na longa historia de ambas entidades. Carlos Mouriño e Ángel Viñas asinaron esta mañá un convenio de gran importancia para ambos clubs, que colaborarán de xeito estreito durante os próximos dez anos.
Este acordo súmase aos asinados nos últimos anos polo Real Club Celta co obxectivo de establecer fructíferas vías de colaboración cos clubs de fútbol base non só de Vigo, senón de toda Galicia.
