Os afeccionados Sub-25 poden adquirir entradas para a bancada de Gol por tan só 10 euros
A oficina de abonados de Balaídos comezou a despachar as entradas para o XX Trofeo Memorial Quinocho, un partido que homenaxea ao inesquecible xogador e xerente céltico Joaquín Fernández “Quinocho”. Os celestes mídense o venres 14 ás 20:30h ao Genoa, un histórico do fútbol italiano que conta con 1 copa e 9 títulos ligueiros nas súas vitrinas.
As entradas teñen un custo de 30€ para Tribuna e de 15€ para Gol, bancada que ofrece un prezo especial de tan só 10€ para os afeccionados Sub-25. Os abonados poden acceder ás súas butacas correspondentes presentando o seu carné en vigor.
Os billetes poden adquirirse na zona de abonados e despachos de billetes do estadio até o xoves en horario de 09:00 a 15:00 ou o venres de 09:00 ata a hora de inicio do encontro.
