XX Trofeo Memorial Quinocho, con presentación dos equipos celestes a partir das 20h
O adestrador do primeiro equipo, Eduardo Berizzo, convocou a 21 xogadores para o XX Trofeo Memorial Quinocho que o Celta disputa esta tarde ás 20:30h en Balaídos ante o Genoa.
A lista completa fórmana: Sergio, Rubén, Hugo Mallo, Jonny, Planas, Fontàs, Sergi Gómez, David Costas, Cabral, Pablo Hernández, Radoja, Madinda, Augusto, Wass, Señé, Drazic, Nolito, Orellana, Bongonda, Iago Aspas e Guidetti.
O club anima aos afeccionados a acudir pronto a Balaídos, xa que ás 20:00h comezará a presentación de todos os equipos do Real Club Celta sobre o céspede do estadio.
