Yelko Pino xogará unha tempada no Swindon Town da League One de Inglaterra tralo acordo alcanzado entre o conxunto inglés e o RC Celta. O xogador regresará ao club vigués unha vez finalizada a campaña 2015/16. O Celta deséxalle a Yelko o maior dos éxitos na súa nova etapa deportiva.
O centrocampista destacou que “vou a un fútbol competitivo coa idea de aprender, adquirir experiencia e regresar a Vigo sendo mellor xogador”. Recoñeceu que “tratarei de adaptarme canto antes e acumular minutos para seguir crecendo como futbolista”.
“Sempre é difícil deixar a que considero a miña casa, pero trátase de coller experiencia e madurar para regresar sendo mellor”, concluíu.
