O Real Club Celta solicitou á Federación Española de Fútbol que libere aos canteiráns Pape Cheikh e Diego Alende dos adestramentos da Selección Española Sub-19 aos que foron convocados recentemente. O motivo da solicitude celeste é que o adestrador do primeiro equipo, Eduardo Berizzo, conta cos dous mozos xogadores para a convocatoria do partido de Copa do Rei que o Celta disputará o vindeiro mércores ante o Almería no Estadio de los Juegos Mediterráneos, encontro que coincide coas sesións preparatorias programadas polo seleccionador nacional Sub-19 na Cidade de Fútbol de Las Rozas.
