Xornada de enorme tristeza para o deporte vigués e para o Real Club Celta polo falecemento nas últimas horas de Paco Araújo, presidente do Celta Bosco de Baloncesto, ex directivo do RC Celta e un gran referente para o deporte da cidade. O club quere expresar o seu profundo pesar por esta dolorosa perda e trasladarlles á súa familia e amigos o seu máis sentido pésame.
Antes do partido deste mércores ante o Villarreal en Balaídos gardarase un minuto de silencio na súa memoria.
