p>
Claudio Beauvue foi intervido satisfactoriamente esta mañá no Hospital Vithas Fátima. O dianteiro celeste sofre unha rotura do tendón de Aquiles da perna dereita, lesión producida este sábado en Balaídos durante o partido de Liga ante o Real Betis.
O Dr. García Cota, xefe dos servizos médicos do RC Celta e responsable da intervención, explicou que Beauvue sufriu unha rotura completa do tendón de Aquiles no seu terzo medio e que o tempo de baixa será de 5 ou 6 meses.
“Realizouse unha reconstrución do tendón cunha sutura termo-terminal e un reforzo” – detallou o galeno celeste – “O xogador manterá inmobilización da perna durante unha semana e despois iniciará mobilidade limitada”.
Beauvue recibirá o alta hospitalaria esta noite ou mañá luns.
