O proxecto do Real Club Celta para a próxima campaña, na que regresará a Europa tras dez anos de ausencia, xa ten unha base sólida na que apoiarse. Eduardo Berizzo dirixirá ao equipo por terceiro ano consecutivo unha vez pechada a súa renovación, e a do corpo técnico, por unha tempada.
Berizzo, Ernesto Marcucci, Roberto Bonano, Carlos Kisluk e Pablo Fernández formarán por tanto o corpo técnico dun Celta que afronta unha campaña especialmente ilusionante tras a súa clasificación para competición europea e o brillante fútbol que desenvolveu para alcanzar ese gran soño.
