A Campaña de Abonados 2016/17 do RC Celta comezou este venres cun espectacular ambiente nu Balaídos desbordante de ilusión. Ao longo do día, centos de afeccionados celestes achegáronse ás dependencias do estadio vigués para tramitar os seus carnés de abonados. A primeira xornada de campaña péchase cunhas 500 renovacións e máis de 100 altas, todas elas do Abono Total que inclúe La Liga, a Copa do Rei e a Europa League ao completo.
Os abonados recibiron con especial satisfacción as facilidades de financiamento que ofrece esta tempada a Campaña de Abonados: o carné celeste pode financiarse até en 12 meses con tan só presentar o DNI e o xustificante de titularidade de conta de calquera entidade bancaria. Todas as renovacións realizadas até o 30 de xuño gozarán dun 5% de desconto, acumulable ao Desconto Familiar ou o Desconto Accionista até un máximo do 15% e, do mesmo xeito que as altas, non pagarán suplemento nos partidos designados como Días do Club.
Para facilitar as xestións aos afeccionados, esta mañá activouse a web www.celtavigo.org/abonosCelta, a través da cal se pode tramitar o Abono Total en calquera momento do día, incluídos os fins de semana. Os despachos de billetes de Balaídos permanecen abertas de luns a venres en horario ininterrompido de 09:00 a 20:00 horas.
