Nolito tivo un protagonismo maiúsculo no triunfo da Selección Española ante Turquía, unha vitoria que supón a clasificación automática aos oitavos de final do EURO 2016 a falta dun partido para pechar a fase de grupos. O atacante andaluz asistiu a Morata no primeiro gol de España e asinou o segundo. Morata volveu marcar para pór o 3-0 definitivo. Nolito, unha das sensacións desta edición do campionato europeo, disputou o partido ao completo.
Peor sorte tivo a Suecia de John Guidetti. O dianteiro sueco xogou titular ante Italia e foi substituído no 85, tres minutos antes de que a selección transalpina anotase ‘in extremis’ o gol da vitoria (1-0).
Próximos partidos
Croacia-España (martes 21, 21:00, Telecinco)
Suecia-Bélxica (mércores 22, 21:00, uefa.com)
