O Manchester City chegou a un acordo co RC Celta para adquirir os dereitos federativos do atacante Manuel Agudo ‘Nolito’ pola cantidade fixada na cláusula de rescisión do xogador. O futbolista andaluz militará a próxima tempada no conxunto inglés.
O Celta agradece a Nolito o seu compromiso, profesionalidade e absoluta entrega durante o tres tempadas nas que defendeu a camiseta celeste.
O dianteiro gaditano deixa no recordo da afección celeste decenas de goles, asistencias e un talante único co que se gañou o agarimo de todo o celtismo. O club deséxalle o maior dos éxitos na nova etapa que emprende, tanto no profesional como no persoal.
