Pione Sisto xa está en Florencia. O internacional danés chegou este luns á cidade italiana, onde o RC Celta continúa realizando a pretempada. Unha vez supere o recoñecemento médico e se pechen os trámites pendentes comezará a exercitarse baixo as ordes de Eduardo Berizzo.
Á súa chegada ao hotel de concentración en Florencia, Pione foi recibido polo seu compañeiro de selección Daniel Wass. O atacante será presentado ante a afección despois da xira do Celta en Italia.
