Os abonados do RC Celta que desexen desprazarse a Atenas para presenciar o partido de Europa League ante o Panathinaikos poderán realizar até o 30 de novembro a reserva de entradas nos despachos de billetes do Estadio de Balaídos. Os abonados celestes, que deberán presentar o seu carné en vigor, terán á súa disposición entradas para este encontro ao prezo de 15 euros, que deberán abonar no momento de realizar a reserva.
As entradas, que son persoais e intransferibles, estarán dispoñibles para aqueles que realizasen a reserva a partir do día 5 de decembro nos propios despachos de billetes de Balaídos.
Os abonados que non residan en Vigo poden realizar a reserva a través de correo electrónico enviando a súa solicitude a [email protected]. Deberán achegar nome e apelidos número do DNI e data de nacemento e abonar o prezo da entrada a través dunha transferencia.
Estes abonados poderán recoller as súas entradas presentando o seu DNI nun despacho de billetes específico habilitada en Atenas o día anterior e na propia xornada do partido.
