A campaña do RC Celta ‘Envexa Celeste’, foi nomeada na categoría de Marketing nos Premios dá Comunicación e do Márketing de Galicia, creados en 2016 para poñer en valor o traballo das empresas e creativos galegos. Trátase duns premios singulares, xa que, organizados polo Clúster de Comunicación de Galicia., se conceden desde o sector para o sector.
A campaña do RC Celta ‘Envexa Celeste’, nomeada na categoría de Marketing, como “mellor estratexia/acción de branding”, tiña como obxectivo reforzar a marca RC Celta a nivel internacional, apoiándose no lanzamento da nova camiseta para a tempada 2021-22. As diferentes pezas apelaban á ‘envexa’ que a camiseta da primeira equipación céltica levanta entre os afeccionados doutros equipos, especialmente naqueles que tamén visten de celeste.
Entre as accións que formaron a campaña figuran: un spot que rescataba un bolero esquecido de Antonio Machín para presentar a camiseta con versos como “sento envexa, de todo o que luces no teu corpo”, mensaxes personalizados para os afeccionados de equipos ‘celestes’ como a Selección de Uruguay ou New York City e ata a utilización de valas publicitarias en Roma, Nápoles ou Manchester con mensaxes pedindo perdón por presentar unha camiseta máis bonita que a dos seus equipos.
A nominación supón un importante recoñecemento para o RC Celta, xa que se trata dunha campaña ideada e deseñada íntegramente desde o club. Tanto a estratexia, o desenvolvemento de creatividades e planificación, espacios e publicacións realizáronse con medios propios da entidade celeste. O departamento de Marketing, cun orzamento de campaña de 5.000 euros logrouse xerar un valor de marca de 320.000 grazas á repercusión da acción en medios de comunicación e redes sociais. A guinda á campaña foi o nomeamento da camiseta como ‘A camiseta máis bonita de LaLiga’ nunha votación realizada polos afeccionados de todo o mundo a través da web de LaLiga.
A gala de entrega da VI edición dos premios celebrarase o día 12 de novembro en Expourense.
Na categoría ‘Mellor estratexia /acción de branding’ tamén están nomeadas as campañas As Estrelas do Camiño de Hijos de Rivera (Levanta, Ymedia e Proximia) e Afundación TV de Fundación Galicia Obra Social ABANCA (Miraveo e ICON).
Mira o video da campaña AQUÍ
