A Fundación Celta súmase ao movemento de Abanca e Afundación e colaborará en favor de Ucraína na previa do partido ante o RCD Mallorca

Este domingo o RC Celta e a Fundación Celta, únense ao movemento de Abanca e Afundación para enviar todo tipo de axuda, en forma de produtos de primeira necesidade, ás vítimas do conflito bélico que está a sufrir a poboación ucraína nas últimas datas.
Abanca Balaídos volverá ser un punto de recollida solidario. A partir das 17 h e ata as 18:30 h, o celtismo poderá doar alimentos non perecedoiros, produtos de hixiene e de primeira necesidade nun punto de recollida situado entre as portas 22 e 23 (Bancada de Gol) que serán enviadas directamente en forma de axuda #ante esta crise humanitaria que está a sacudir á poboación do país.
Seguindo as recomendacións das entidades que están a traballar sobre o terreo, solicítanse prioritariamente alimentos precociñados e latas de conserva, alimentos infantís, produtos hixiénico-sanitarios infantís e femininos e medicamentos e material de primeiros auxilios.