O RC Celta superou a barreira dos 5 millóns de seguidores no conxunto de todas as súas redes sociais. Uns datos que consolidan a estratexia dixital do club, cun crecemento mensual continuado e verificado por Blinkfire, a plataforma de medición de uso de LaLiga Santander.
A rede social TikTok consolídase como a principal fonte de seguidores, con máis de dous millóns e medio de celtistas. Á súa vez, Facebook marcou outro fito histórico ao consolidar o seu crecemento por encima do millón de siareiros.
A conta oficial de Instagram do primeiro equipo continúa a súa evolución mensual con 400.000 usuarios, mentres que na rede social Twitter reúnense máis de medio millón de seguidores celestes.
Pola súa banda, na canle oficial do RC Celta en Youtube reúnense máis de 50.000 subscritores e xa se superan os 10 millóns de vistas.
Snapchat é a última rede social na que chegou o RC Celta, converténdose no primeiro equipo de LaLiga en ter un lente óptico propio dentro da plataforma, xunto a Real Madrid e FC Barcelona.
