O RC Celta e hummel estrean a súa relación presentando unha camiseta cunha gran carga simbólica para o celtismo e para toda Galicia. A peza coa que o club vigués disputará a tempada número 101 da súa historia rende unha sentida homenaxe ás raíces do club e ao desexo dos seus fundadores en 1923: representar con orgullo a Galicia.
O primeiro deseño de hummel para o Celta inclúe no tecido celeste a relación dos 313 concellos existentes na xeografía galega. Todos e cada un destes municipios teñen o seu espazo na nova camiseta, visibles a través da xa icónica tipográfica que Xosé Vizoso deseñou para o centenario. Esta representación de toda Galicia é o motivo polo que o novo equipamento preséntase baixo o lema “Non pode ser máis de aquí”.
hummel, fundada do mesmo xeito que o Celta en 1923, mostrou unha sensibilidade moi especial á hora de deseñar esta nova camiseta. O novo patrocinador técnico do Celta entendeu perfectamente a importancia que supón para o club representar a Galicia ante todo o mundo, facilitando así a creación dunha peza única e inimitable. Así, da man da marca danesa, ponse en valor a estreita relación do Celta con toda Galicia, dando continuidade a esa aposta do club polas raíces, a cultura e lingua galega.
A camiseta inclúe ademais un espectacular pescozo que simula os primeiros equipamentos do Celta, marcadas polos clásicos cordóns tan característicos das camisetas de hai 100 anos. A nova peza simula estes cordóns sen restar por iso comodidade e estilo á elástica.
Inclúense ademais os icónicos chevrones da marca danesa sobre os ombreiros, así como o logo clásico de hummel. Recupérase, unha vez finalizado o Centenario, o clásico escudo do Celta no peito.
En canto ao tecido, o equipamento está elaborada coa tecnoloxía hummel® BeeCool, que elimina a humidade e mantén seco o corpo, algo imprescindible para a práctica do fútbol e o uso diario.
La equipación completa ya está disponible en las tiendas físicas y en la tienda online del RC Celta.
Un espectacular anuncio que leva a letra da Oliveira a toda Galicia
A relación entre o Celta e hummel tamén supón un paso adiante á hora de presentar os equipamentos. Neste caso, a nova camiseta ve a luz nun espectacular anuncio que percorre a xeografía galega a través da letra do himno ‘Oliveira dous Cen Anos’. Decenas de concellos galegos son protagonistas da peza, a través da cartelería e señalética que os identifica nas estradas.
Unha rodaxe que supuxo unha viaxe extraordinaria para atopar e capturar a esencia da nosa terra e da súa xente. Desde as aldeas máis remotas ata as grandes poboacións, o anuncio retrata os seus topónimos para formar parte da letra da aclamada composición de C.Tangana.
O resultado é unha peza publicitaria que fai que todos os galegos sentan implicados e parte de algo máis grande. Un anuncio que non só transmite unha mensaxe, senón que tamén reflicte de forma emotiva o espírito colaborativo e a diversidade de Galicia. Este enfoque único do anuncio non só reforza a conexión coa nosa afección, destaca ademais o compromiso do Celta e hummel coa comunidade e a cultura local.
