A imaxe da Campaña de Abonados 2016/17, centrada na palabra afouteza, adorna desde este luns as rúas de Vigo. Xogadores do primeiro equipo e afeccionados son os protagonistas dos carteis que poden atoparse nos mupis do Concello, repartidos por diferentes puntos da cidade olívica.
A Campaña de Abonados céltica arrincou o venres da semana pasada cunha exitosa primeira xornada na que se realizaron unhas 500 renovacións e 100 altas. Os afeccionados recibiron con especial agrado as facilidades de financiamento do carné celeste: até en 12 meses presentando tan só o DNI e o xustificante de titularidade de conta de calquera entidade bancaria.
Os despachos de billetes de Balaídos permanecen abertas de luns a venres en horario ininterrompido de 09:00 a 20:00 horas para atender aos afeccionados, que tamén poden utilizar a web www.celtavigo.org/abonosCelta para tramitar o seu abono. Todas as renovacións realizadas en xuño teñen un 5% de desconto garantido e, do mesmo xeito que as altas, estarán exentas de suplementos nos partidos designados como ‘Días do Club’
