O evento tivo lugar esta mañá no Pazo de Congresos Mar de Vigo
O Real Club Celta foi hoxe o anfitrión da Asemblea Xeral da liga de Fútbol Profesional, que reuniu no Pazo de Congresos Mar de Vigo aos máximos dirixentes da totalidade dos clubs das ligas BBVA e Adelante. Entre os asistentes estiveron, ademais dos presidentes do R.C.Celta, Carlos Mouriño, e LFP, Javier Tebas, o presidente do Consello Superior de Deportes, Miguel Cardeal, e o alcalde de Vigo, Abel Caballero.
A cidade de Vigo leva varios días sendo o principal foco de atención do mundo do fútbol con eventos de gran relevancia, como o partido disputado o martes en Balaídos entre as dúas últimas selecciones campioas do mundo e esta asemblea xeral da LFP na que se abordaron asuntos de enorme importancia para o fútbol español.
