O RC Celta xa ten a súa nova pel para a tempada 2021/22. Concluíu unha conta atrás que xerou unha gran expectación e que culmina coa presentación dunha camiseta celeste que desatará paixóns. É, ademais, unha posta de longo especial, que non se deterá en Vigo, senón que conquistará varias cidades de distintos puntos do mundo.
A primeira equipación do RC Celta lucirá en cidades que tamén visten aos seus equipos de celeste. A camiseta, co hastag #EnvidiaCeleste, ‘desafiará’ ás que se enfundan os conxuntos de Nápoles, Lazio, Manchester City, New York City Football Club e a Selección de Uruguay con distintas iniciativas encamiñadas a presentarlles aos seus afeccionados a equipación do RC Celta e mensaxes personalizados para os seguidores de cada equipo, ademais dun sorteo de camisetas para que poidan sentir a paixón da familia celeste.
Esta camiseta deseñada por adidas ofrece características únicas que a converten nunha peza indispensable para o celtismo, tanto no estadio Abanca Balaídos como fóra del. A celeste desta tempada, que combina tradición cunha silueta moderna, posúe un tecido con dous tipos de fío brillante e mate que lle aportan un atractivo deseño xeométrico. O seu deseño inclúe detalles en gris aportando a combinación perfecta entre o deportivo e o casual e integra o novo logo de Estrella Galicia, patrocinador principal do club, que tamén se estrea nesta campaña 2021/22.
Está confeccionada cun 40% de poliéster reciclado para reafirmar o compromiso de adidas e do RC celta coa utilización de materiais sostenibles co medio ambiente. Contén ademais a tecnoloxía máis Premium de adidas, AEROREADY, que posibilita que o deportista mantéñase nas mellores condicións sen que a suor interfira no seu rendemento.
A camiseta da primeira equipación pode adquirirse xa online na web oficial do club: https://shop.rccelta.es -enviarase en canto estea en stock- e en próximas datas estará dispoñible nas tendas oficiais do RC Celta, onde si está xa exposta para que os afeccionados poidan vela con detalle.
.
Ademais, esta tempada hai unha importante novidade: cada camiseta é única grazas a un código QR que non só garante a súa autenticidade, senón que ofrecerá a cada afeccionado que o active numerosas vantaxes e sorpresas exclusivas.
