A camiseta conmemorativa de ‘Oliveira dos Cen Anos’ en homenaxe á Reconquista logrou emocionar e conectar co celtismo dunha forma única, entrelazando á afección cunha das celebracións máis especiais da nosa historia. O club anunciaba o pasado xoves 27 unha primeira tirada de 1.809 unidades que superou todas as expectativas esgotando o día do seu lanzamento todo o stock en apenas unhas horas. Por iso, e tras a incrible acollida que tivo, o RC Celta, da man de Hummel, decidiu activar unha preventa para a segunda remesa, co obxectivo de que todos aqueles que non puideron facerse coa súa o pasado luns teñan unha nova oportunidade de levar con orgullo este símbolo da nosa identidade.
A preventa estará activa desde as 16:00 horas deste xoves na tenda en liña rio1923.gal. Os pedidos rexistrados nesta preventa serán tramitados e enviados a partir do 25 de abril.
A través desta iniciativa, o RC Celta quere agradecer a implicación do celtismo, unha vez máis, e lograr que todos os afeccionados poidan conseguir novamente esta peza que, máis aló de ser un artigo de deseño, é unha homenaxe a todos os que, ao longo dos anos, fixeron grande a este club e a esta cidade. Non te quedes sen a túa.