O novo portal comezará a funcionar ao longo deste luns, no dominio www.tiendacelta.com
A tenda oficial do Real Club Celta renova a súa imaxe online. Ao longo deste luns, o club porá a disposición dos afeccionados celestes unha nova páxina web na que poderán atopar os mesmos artigos que na tenda física, situada no estadio de Balaídos.
Visualmente máis moderna e cun catálogo actualizado, o portal dixital da tenda permitirá que os seguidores celtistas poidan adquirir calquera produto oficial do club desde calquera lugar do mundo, con sinxeleza e a máxima comodidade.
A nova web da tenda céltica manterá o seu dominio tradicional www.tiendacelta.com
