Mañá venres recuperan o seu horario habitual de 10 a 14 e de 17 a 20 horas
A tenda oficial do RC Celta en Balaídos e a oficina de abonados reabrirán as súas portas este venres con total normalidade no seu horario habitual, de 10 a 14 e de 17 a 20 horas.
O club esforzouse para resolver no menor tempo posible os danos producidos nas dependencias do estadio a causa do temporal que afectou días atrás a Vigo. Mañá os dous establecementos comezarán a operar con total normalidade, exceptuando pequenos detalles estéticos nos que se continúa traballando.
A tenda oficial permanecerá pechada o sábado por ser día festivo.
Por outra banda, a venda de entradas para o partido España-Alemaña do 18 de novembro está a rexistrar un ritmo moi elevado nos primeiros días. Os billetes continúan á venda tanto en www.celtavigo.org/taquillaCelta como nos despachos de billetes do estadio.
