Os prezos oscilan entre 15 e 25 euros para sub-25 e entre 25 y 50 euros en categoría adulto
A oficina de abonados xa comezou a despachar as entradas para a décimo sexta xornada ligueira, na que o Celta recibe á UD Almería (20:45 horas). Como vén sendo habitual, o club vigués mantén os prezos habituais desde a pasada tempada: entre 25 e 50 euros para categoría ADULTO e entre 15 e 25 euros para categoría SUB-25.
O club anima aos abonados e á afección a acudir a este encontro, no que se necesitará o apoio de todos para conseguir tres puntos que deixen bo sabor de boca antes do parón do Nadal. A pesar de que o Celta continúa asinando boas actuacións ante todos os rivais da liga, os últimos resultados non favoreceron ao cadro céltico. O empuxe das bancadas de Balaídos será determinante para reencontrar o camiño cara á vitoria.
