Debido ao problema técnico sufrido polo despacho de billetes en liña durante este xoves, e a fin de non prexudicar aos afeccionados celestes, o club decidiu manter a venda de entradas para o Celta B – RC Deportivo en exclusiva para abonados do RC Celta ata o día do partido incluído.
Desta forma, as entradas non sairán á venda para o público xeral e só poderán ser adquiridas por abonados do club, xa sexa na web tickets.rccelta.es en calquera momento ou no despacho de billetes físico de Abanca Balaídos (venres de 10:00 a 14:00 e de 17:00 a 19:00 ou o día do partido desde as 09:30 ata o inicio do encontro).
Doutra banda, lembrar que, como é habitual, os abonados do RC Celta poderán acceder ao estadio sen custo algún presentando o seu carné vixente da tempada 2021/22 no acceso ás instalacións.
