O RC Celta instalará nos próximos días unha bancada supletoria con carácter provisional (só para os tres partidos que quedan como locais) no estadio Abanca Balaídos, situada na zona de Gol, desde a portería ata a Bancada de Tribuna. Esta estrutura contará con 609 novas localidades, que estarán dispoñibles proximamente para a súa adquisición. En breve, o club informará a través das súas canles oficiais sobre o procedemento e datas comprar ditas entradas, pendentes dos últimos permisos por parte de LALIGA EA SPORTS e organismos oficiais.
A creación destes asentos responde a un único obxectivo: reforzar o apoio ao equipo neste momento crucial do curso. Cada partido, cada minuto, cada xogada pode ser determinante, e contar coa forza da afección, máis preto do céspede que nunca, será, sen dúbida, un impulso crave para os nosos xogadores. Durante a tempada 24/25, o apoio do celtismo foi un piar fundamental, e por iso, nestas últimas xornadas, o club quere que se converta nun motor aínda máis poderoso. Esta bancada, representa moito máis que unha ampliación do aforo, é un símbolo do compromiso coa afección, unha forma de empuxar todos xuntos e de non deixar de crer no que aínda está por vir.
O RC Celta agradece, como sempre, ao celtismo polo seu Afouteza, determinante neste tramo decisivo da tempada, e ao Concello de Vigo e á empresa contratista, COPASA, por todas as facilidades dadas para poder executar esta ampliación.
