Os abonados con entrada adxudicada para o partido do venres entre Celta B e Zamora CF (Abanca Balaídos, 19.00 horas) poderán acceder polas portas 2 e 7 para presenciar o encontro na grada de Tribuna Alta. Deberán mostrar a entrada, que se remitirá por correo electrónico, e o seu DNI no acceso e non haberá asentos asignados.
Os afeccionados que desexen presenciar o partido poden adquirir entradas, exclusivamente online e ao prezo único de 20 euros, na páxina web oficial mañá a partir das 10.00 horas para esa mesma bancada.
